في تصنيف الأديان والمعتقدات بواسطة
رغم اننا كسبنا النهارده باخطاء الكونغو(الجون الأول المدافع رجع الكورة بالهيد بدل ما يطلعها والجون التاني كان من ضربة جزاء) ودي المفروض اصلا فرقة من القاع بس انا فرحت جدا مش عارف ليه
في الحقيقة الانجازات الرياضية مش بتفيد غير في البروباجاندا السياسية للدول على اعتبار ان الانجاز الرياضي هو تكليل للانجازات التانيه الاقتصادية والاجتماعية ومؤشر على الرقي الحضاري .عشان كده روسيا وأمريكا كانوا في ذروة المنافسة الرياضية أيام الحرب الباردة وكانوا أكتر دولتين بيحصدوا الميداليات الأوليمبية. عشان كل دولة منهم كانت عايزه تثبت للعالم ان نظامها هو الأفضل(شيوعي أو رأس مالي) يعني لو هحتفل بالفوز النهارده عشان رفعنا اسم مصر وعلم مصر ودخلنا كاس العالم يبقى ده مجرد هراء لأن دخولنا كاس العالم مش هيغير حاجه في الواقع المزري اللي عايشينه لا الأسعار هتنزل ولا البطالة هتقل ولا التعليم هيتحسن ولا النفوس هتنضف. فمفيش سبب منطقي اننا نفرح الا اننا عايزين نفرح وخلاص زي اللي بيعمل عيد ميلاده قبله بتلت شهور مثلا.
بس طبعا في ناس فرحت النهاردة بجد ولأسباب منطقية جدا زي ال 22 لعيب اللي كل واحد غرفله مليون ونص من "طابونة" البلد رغم اننا فقرا اوي ومفيش ومش هينفع ناكل مصر يعني!

7 إجابة

بواسطة
 
أفضل إجابة
الف مبروك لمصر
بواسطة
صح
بواسطة
احلى حاجة فى الماتش الولد اللي عيط
بواسطة
أحسنت التلخيص أخى الكريم.
بواسطة
احنا اه مش بناخد حاجه بس ده منتخب مصر هنفضل نشجعه لاخر نفس فينا
مصرنا الحبيبه
اه اعصابنا تعبت بس الحمدلله
مبروووك علينا كلنا ..
بواسطة
مبروك لمصر الحبيبه
بواسطة
الله كريم ، المهم فرحنا ولو ليلة ؛؛
مرحبًا بك في موقع نور المعرفة ، حيث يمكنك طرح الأسئلة وانتظار الإجابة عليها من المستخدمين الآخرين.
...