فيه ساعة بيولوجية في مخك بيترأسها نواة اسمها SCN ( فوق العصب البصري ) المهم بتضبط إيقاع جسمك و نشاطه على دورة معينة طول 24 ساعة .
فطرياً هي بتبرمجك على إن الظلام = إفراز الميلاتونين ( هرمون النوم ) ، فالنوم بالليل دايماً بيبقى أفضل و أكتر فايدة ليك .
أما النهار = ضوء ( بيقلل هرمون الميلاتونين ) فتبدأ تحس باليقظة و النوم فيه أقل فايدة بكتير .
المعظم عنده اضطراب في الساعة البيولوجية بفعل تخلفات العصر ، لكن الفطرة بتغلب و إيقاع الجسم بيميل للإتزان دايماً .